This page is intended for users in Germany. Go to the page for users in United States.

都市感情實錄 ─ Copywriter(下)

「你覺得咁樣好咩?」Kitty都已經唔識點應對。

Clarence冇即刻走落樓搵佢,唔係因為佢唔喜歡呢個人,只係佢已經擠唔到多餘嘅心力出嚟處理呢啲情緒。

你可以話佢工作至上係好事,但同時都可以話佢唔夠愛Kitty,一個「銀」點都會有兩面。

返到屋企之後佢攰到一上床就已經訓著咗,冇再去諗任何嘢。第二日佢嘗試喺工作嘅空檔draft一個message畀佢,但佢諗唔到可以講啲咩,因為Kitty要嘅好簡單──時間。

但偏偏佢最欠缺嘅就係時間,又或者,佢知道如果收工連休息嘅時間都冇,佢應該會嚴重拉低香港男性嘅平均壽命。

Kitty係一個好需要陪伴嘅人,而佢嘅朋友一直都唔多,加上返嘅工都只係朝9晚6嘅寫字樓,所以佢空閒嘅時間就自然想搵Clarence。

Kitty嘅要求的而且確係平常不過,唔似得Clarence以前識嘅女仔咁,要食壽司但又唔食生冷嘢;要減肥但又想食Jollibee。但就算係咁,當兩個人對工作同感情嘅態度開始有分歧,磨擦就自然會出現,而一旦冇人去解決呢個問題,就連「愛膚堅」都唔會幫到你。

除非Kitty學識同自己相處又或者Clarence轉一份得閒好多嘅新工,前者唔知需要幾多時間;至於後者,Clarence並唔想放棄而家呢一份工,雖然呢份工係好忙,但至少佢認為忙得值得,最起碼佢會見到自己寫出嚟嘅字有人會見到、有人會欣賞。

「我唔知道可以點,我見唔到有出口…」Clarence答。

「出口可以搵返嚟,但如果你放棄嘅話就永遠都唔會走到出去。」Kitty如是駁。

Clarence望住個Whatsapp,「在線上」呢三個字於佢就好似催命符一樣,一方面佢唔知道點覆;另一方面佢又要盡快覆,因為有人喺度等緊個答案。

「其實我真係好辛苦,返工已經夠忙,如果你仲想我抽好多時間出嚟陪你的話,我諗我做唔到,而如果你勉強自己去遷就我的話,只會大家都一齊辛苦落去。」呢個係Clarence最誠實嘅回答。

「好啦,咁我明啦。一直以嚟你做咗嘅決定都冇人可以左右你。以後你畀心機做嘢啦,我知你一定會得。好好照顧自己。」

Kitty講完呢句之後,「在線上」呢三個字冇再出現,但佢望住部手機,先發現原來自己失去咗一個好重要嘅人,但一切都已經太遲。


圖片來源:《短暫的婚姻》

上回 ⏪

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!
Wantedly, Inc. (Hong Kong)s Stellenangebote
Anonymous
Anonymous

Wöchentliches Ranking

Weitere Rankings anzeigen
Hat dir diese Story gefallen? Dann schau doch mal bei uns vorbei.

Page top icon