This page is intended for users in Germany. Go to the page for users in United States.

【二O十九求職百科】①打完風就要返工?凡事唔係絕對嘅~

眨下眼2019就已經過咗一個禮拜,要回顧2018,大家第一件事會諗起咩?唔知大家有冇留意,「山竹」過後嘅殘骸到而家都仍然未完全清理,事關瞓咗落地嘅樹呢,就由A部門處理;冧得一半嘅呢,就要B部門處理,可見政府部門分工非常仔細,非常抵讚。

而「山竹」翌日係星期一,香港個市又點會停,所以嗰日晨早5點幾就已經落返去3號風球。換言之,全世界都要準時返工。但相信大家都記得當時嘅情況:塞車、冧樹、爆玻璃……所有特技、動作場面都應有盡有。

與此同時,特首林鄭月娥就走出嚟話「由僱主、僱員,大家以一個互諒互讓,體恤嘅方法做,係更加適合而家香港嘅情況」,於是選擇停課不停工,「置市民生死於度外」。大家又記唔記得自己當日返工嘅苦況?

(文末有特首見記者全文㗎,想燒時間嘅話不妨睇睇)

明知「工」有虎,偏向「苦」工行

筆者其中一個朋友住上水,因為冧樹嘅關係,火車、巴士都停止運作,結果佢由上水徒步行到去大學站,為嘅就只係返去位於灣仔嘅office。所謂「互諒互讓」,唔停工都算啦,返半日好啦掛?又唔洗朝早返工同人逼,反正逼到返公司都已經晏晝。但最後大圍站仲「墟冚」過「紅館」,金鐘同中環亦如是。

又有另一個返朝9晚5嘅「死黨」,當日6點半就出門口,11點前返到公司,筆者都已經覺得佢好犀利,但當佢返到公司嘅時候,忽然間見到老闆send咗個message去公司嘅WhatsApp group:「我明白打完風之後返工會有困難,大家遲啲返都唔緊要😉」,而當時已經係11點半,成班人就喺公司「你眼望我眼」,跟手就反哂白眼。

亡羊補牢,未為晚也

搵工嘅時候,工種當然重要,但其實好多時候,同事同老闆更加緊要。就好似剛才呢個老闆咁,當大家攀山涉水、腳踏玻璃碎、再捐埋樹底咁返到公司嘅時候,佢個message就好似特首當日喺收工前3個鐘send封mass email出嚟咁,多此一舉。

對住如此吝嗇假期嘅老闆,難道你仲會為佢「仆心仆命」?結果就只係會不斷惡性循環,你唔妥佢時,佢又唔妥你。到最後就算你唔炒佢,佢都會炒你。

先假設你每份工至少做一年,話少唔少,而剛畢業或者返咗陣工嘅你總會認為自己要「硬食」。但記住一間「公」司上面要先有個「人」,而呢個人某程度上,就決定咗呢個地方值唔值得你留低。

喺呢個情況下,要解決問題只有兩條路:一、搵份好工兼好老闆;二、同個老闆講佢嘅問題(自求多福)。相信前者比後者嚟得更簡單同安全。

最後,筆者在此都想學特首「再三呼籲」大家:搵份好工嘅時候記得帶眼識人,搵一個真正會同你「互諒互讓」嘅老闆。


圖片來源:Poppy Chan

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!

👇🏼政府新聞稿(奉勸大家要EQ夠高先好睇🤨)

Wantedly, Inc. (Hong Kong)s Stellenangebote
Anonymous
Anonymous

Wöchentliches Ranking

Weitere Rankings anzeigen
Hat dir diese Story gefallen? Dann schau doch mal bei uns vorbei.

Page top icon