This page is intended for users in Germany. Go to the page for users in United States.

Wantedly Journal | 仕事でココロオドルってなんだろう?

Company

你究竟係咪鍾意自己份工?

唔通返工真係一定要「捱」世界?

2018/10/10

以前嘅人同而家嘅人搵工心態,有咩分別?

廿年前啲人搵工嘅時候,好多時候都追求份工穩定,做落有無滿足感,此乎唔係一個著眼點。反而而家嘅年青一代嘅大家似乎比較著重份工嘅意義,同埋做得開唔開心。

當然,「Love what you do, do what you love」講就容易,但一眼望去街上面,大把人嘅熱情同埋工作各不相干;當工作佔去你人生大部份時間,返工真係一件可以用「捱」去形容嘅事。

「邊有人返工係開心㗎!」好多人都係咁講,但有無諗過,其實我哋可以做啲嘢去拉近工作同熱情之間嘅距離?

1) 問心,有啲咩事會令你開心?

以下邊樣嘢,邊樣比較重要:彈性工作?體察下屬嘅老細?鼓勵團體合作嘅 Work culture?想像自己嘅「Dream job」會係點:你會做緊邊行?你啲同事會係咩人?工作環境會係點?

你未必一下就知道你自己嘅目標係咩,但從呢啲問題搵出啲小細節,會係一個幾好嘅 Starting point!

如果你覺得自己一個諗唔掂,不妨睇吓呢篇文

2) 「Side Hustle」

如果你一開始做唔到自己夢想中嘅職業,不如試吓係空餘嘅時間做啲有關嘅事!例如話你夢想係做一個攝影師,你可以試吓星期六日出去幫人影吓相,呢個就係其中一種 Side hustle 喇~

外國就好興用 Carousell 同 Gumtree 等網站去搵 Side hustle,甚至社交網站嘅 Like 同埋 Share 本身就係俾人認識你技能嘅好方法。

唔好覺得每次做得嗰少少好似無咩用咁,每次你花時間落去,就係一個累積經驗、儲 Portfolio 嘅方法,可能有一日呢件事真係會變成你嘅職業!

3) Networking!

常言道:「識人好過識字」、「出外靠朋友」,擴大自己嘅人際網絡真係好重要㗎。識多啲人,就會遇到更多機會:話唔定你認識嘅人可以介紹你做一份你想做嘅工,或者係轉工嘅途中助你一臂之力呢。

作者 Kate White 喺佢嘅著作入面提過:

「當你搵到一個可以做你 Mentor 嘅人,你就要同佢接觸。就算個場景噝架𨋢度好、喺個 Party 度都好,唔好怕醜,試吓介紹自己,同佢講你好欣賞佢嘅工作。如果佢係一個組織或者活動嘅領導人,試吓毛遂自薦加入佢嘅團隊。你都可以試吓問佢拎建議,同佢講:『我一直都好欣賞你做緊嘅嘢,有機會嘅話想了解多啲!』」

覺得係個 party R 水吹好 odd?明嘅,唔緊要!呢個世界有 Internet 㗎嘛!用 Wantedly 同其他相似諗法嘅人交流,話俾大家聽你嘅興趣同埋目標,輕輕鬆鬆就可以認識唔同嘅公司同埋理解唔同嘅文化啦。

咩都講哂俾你聽啦~你仲等緊咩?

係時候去搵份啱自己嘅工喇~~~


. . .

睇吓有咩好工啱你啦 👉 http://wantedly.com/projects

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過27,000間公司使用Wantedly,每月活躍用戶達到250萬個。我們的服務已拓展至新加坡,現在更進駐香港!

WEITER